سكوب. معطيات جديدة على حمزة ضحية قذيفة السمارة. رجع من فرانسا هادي سيمانا وتفرج فماتش فرقتو فالغرب قبل ما يمشي عند خالتو =صورة الضحية

سبق ل"كود" كشفات على ضحية القذيفة اللي ضربات ليلة الجمعة السبت بالحي الصناعي بمدينة السمارة. يتعلق الامر بشاب اسمو حمزة الجعايفري٬ عندو شي 30 سنة. جا للسمارة من فرانسا للي ساكن فيها باش يخطب. كيوجد للعرس. طاحت القذيفة عليه. كان فدار الخطيبة. مسكين طلع للسطح وهو يضربو.
وفق معطيات حصرية عند"كود" فحمزة اصلو من مدينة سيدي يحيى الغرب، مشى لفرانسا هادي 6 سنين. وتضيف مصادر "كود" باللي رجع هادي اسبوع للبليدة وتفرج فماتش كفاح سيدي يحيى الذي كان كيلعب فيها والدو المتقاعد من المكتب الوطني للكهرباء، وشقيقه الأكبر، ضد كواكب القنيطرة. وبعد قضائه أيام معدودات في سيدي يحيى، طلب من والده السماح له بزيارة خالته التي تقطن مدينة السمارة رفقة والدته، وذلك ماحدث. الضحية كانت عزيزة عليه بزاف خالتو اللي ساكنة فالسمارة. دوز سنوات معاها باش كان طفل. كان باغي يتزوج من بنت خالتو.
وحسب مصادر "كود" حتى الوالدة ديالو تصابت فيدها.
وكان الوكيل العام بالعيون قد فتح تحقيق فهاد الشي هاد الصباح. المغرب متريث مازال ما تاهم حد. المينورسو عاينات هاد الشي الصباح فالسمارة.
التوقعات كترجح تكون البوليساريو مولات الفعلة