صافي وصل وقت القومة: اغنية غلام كتبين اش كيوجد العدل والاحسان قبل مسيرة غدا باش يهاجمو محمد السادس. ديرو الحراك فالريف والمسيرات فالمغرب وحنا نقطفو ودستورنا "الاسلام او الطوفان"

علاش كيقلبو العدل والاحسان" علاش فينما دخلو لشي حراك كيجبدو الشريعة والاسلام او الطوفان ديال سيدهم عبد السلام ياسين. غدا كاينة مسيرة وطنية فالرباط على الحكرة. العدل كيف ديما ركبات عليها ما دعاتش ليها وغادية تستعرض قوتها. غير هاد المرة دارت رسالة قبل منها. اغنية لمغنيهم رشيد غلام من كلمات محمد الارديسي
اش كتقول الاغنية واش فيها. الاغنية اسمها "سجن القداسة". الاغنية تقول انه "باسم القداسة اما نخون او نطيع" وان "امارة المؤمنين تسوقنا بلجامها سوق القطيع" وهنا كياثت الاغنية بمشاهد حفل الولاء وفيها الناس تركع و"الله يرحم سيدي" ومعنا يمشي غلام في الغناء "كرهنا زورا" و"ثالوتكم صنع مريع" في اشارة الى "الله الوطن الملك" معتبرا كل هادا "خديعة" وصافي
وتستمر الاغنية وفيها حراك الريف وعشرين فبراير ومسيرات اخرى وهاجم فيها الملك من خلال "فقراء ملكك غيلة يغتالهم قر الصقيع" اللي فيه لبنات كيمشيو للخليج والاطفال "تقتال من قمامة قصركم" ومعاها طبعا صور للملك مع الفقراء واعتبرها "اذا مررت بقربهم فامسح على راس الرضيع".
ثم يصل الى "اف لكم ولزيفكم". واعتبر هذا "زمان خرابكم هذا اوان بواركم". البديل يا ترى عند العدل والاحسان؟ بان باش قربات الاغنية تسالي "فبذور ثورتنا نمت وازهرت قبل الربيع" ودارو صورة مسيرة العدل والاحسان للي مقسمين فيها الرجالة والعيالات. بين لعيالات وطبعا طفل صغير ثم بينو صور من مسيرات سابقة للعدل والاحسان واش كتوجد العدل "الاسلام او الطوفان" كتاب عبد السلام ياسين ومعاه صورة غلام العدل والاحسان.
يعني كلشي يخدم ويتحرك والجماعة ترجع للاور وتسنى وتبقى تتسنى حتى تقطع كلشي وتطلع هي المعلمة القافزة. اه نسيت. كلمات ما عندها علاقة بالمغرب. مشرقية فكلشي ولحن ضعيف واداء بسيط. الابداع ما كاينش حقاش ماشي مهم. المهم الرسالة ديال الجماعة. رسالة متخلفة تخلف الحالمين بالقومة والحكم. ماشي اغنية اللي تحطات قبل المسيرة ولكن بيان سياسي لجماعة غدا باغية تهيمن باش تحكم من بعد