حرب سياسية فالمحمدية: تأجيل انتخاب رئيس جديد للمرة الثانية والبيجيدي فورطة

علمت "كود" ان عملية انتخاب رئيس جديد لجماعة المحمدية اللي كانت اليوم فالصباح ما دارتش، وتأجلت لنهار الاثنين.
هادي المرة الثانية لذاك، كيف وقع البارح والسبب وفق مصدر ل"كود" ان مستشاري التجمع الوطني للاحرار والاصالة والمعاصرة و6 من العدالة والتنمية ما جاوش.
الانتخابات اللي كان مرشح ليها للرئاسة البي جي دي فشخص ايمان صابر مقدرش يجيب نصاب، والتجمع الوطني للاحرار فشخص العطواني باقي كيجمع فالمستشارين باش ينقلبو علة البيجيدي.
دابا بعملية حسابية بجوجهم عندهم 23 صوت ولا تعادلو غادية ديها ديال البي جي دي حقاش اصغر سنا من ديال الاحرار.
هاد الانتخابات فيها رهان وطني واخا ماشي مهمة بزاف حقاش الرئيس اللي كاين غادي يكمل غير عامين. كاين استعراض لكل حزب لقوتو. الضحية فهاد الصراع هو حزب الاتحاد الاشتراكي. حقاش كيعيش انقسام كبير بزاف. مزوازي واللي معاه مشى مع العطواني ونسى اش دار هاد الرئيس لحزبو. وهوب وصحابو فنفس الحزب رافضين رفض تام يصوتو على العطواني.
ادريس لشكر الكاتب الاول للحزب وعبد الحميد لجماهري القيادي في الحزب بجوجهم دخلو فاخر لحظة باش يبقى حزبهم موحد. قالو ليهم وفق مصدر "كود" "غدا غادي يطلع هاد الحزب او داك وغاديين حنا نخسرو. خاصكم تبقاو متوحدين. مجتماعين. قوتنا نبقاو مجتماعين.