حوار جمعيات الآباء ومؤسسات التعليم الخصوصي برعاية الأكاديميات دخل فالطنز ورهان ربح الوقت ماشي حل

شرعت الأكاديميات الجهوية للتربية و التكوين في احتضان اللقاءات الحوارية بين جمعيات الآباء و ممثلي مؤسسات التعليم الخصوصي.
فبعد أكادير و الدار البيضاء وصل الحوار إلى أكاديمية الرباط.
مساء الاثنين اضرضور مدير أكاديمية الرباط وبناء على توجيهات الوزارة جمع جمعيات الآباء و ممثلي مؤسسات التعليم الخصوصي باش يلقاو حل لمشكل أداء رسوم أبريل ماي ويونيو.
الحوار اللي تيبان دار غي باش يمتصو غضب الآباء، كرس العقم في إيجاد حلول معقولة وعملية كتراعي مصالح الأطراف كاملة.
الحوار طاح فمشكل التمثيلية، و مناورات أرباب مؤسسات التعليم الخصوصي بحسب جمعيات الآباء كيفاش واحد كيحضر معانا الاجتماع بدوبل كاسكيط. هاهو ممثل جمعيات الاباء، هاهو كاتب جهوي ديال مؤسسات التعليم الخصوصي بجهة الرباط سلا القنيطرة.
هاذ الشي عطى الانطباع باللي هاذ الناس بهاذ الأساليب كيحاولوا يفرضو الأمر الواقع باش مكان ومعندهمش إحساس باللي الظرفية كتفرض تنازلات متبادلة تقديرا للظرفية.
قضية كتأكد أن أفق الحوار اللي خاصو يكون هو تفهم مطلب الاباء، وفنفس الوقت استحضار أن التعليم الخصوصي راه اختيار، عندو اكراهات مرتبطة بنظام المقاولة. يعني حوار بصيغة رابح رابح. اما التلاعب فالتمثيليات ومطلب الإعفاء الكلي ومحاولة البعض تقييم التعليم عن بعد فظروف استثنائية فهي مسببات لمزيد من التوتر بدل الحل، لاحقاش قراءة محاضر الاجتماعات اللي دارو بجهة سوس و الدار البيضاء و الرباط كلها جاءت متشابهة وكوبي كولي وهاذ الشي غيضرب مصداقية الحوار اللي هو الحل لتجاوز هاذ الوضع.